Thirrje për aplikim: Mobilitet studentor Erasmus+ në Università degli Studi di Sassari, Itali

Universum International College shpall thirrjen për aplikim për mobilitet studentor në kuadër të programit Erasmus+ në partneritet me Università degli Studi di Sassari, Itali. Ky mobilitet u ofron studentëve mundësinë për të studiuar në një institucion partner evropian, për të përjetuar një mjedis ndërkombëtar akademik dhe për të zhvilluar kompetencat e tyre profesionale dhe ndërkulturore.

Detajet e Mobilitetit

• Lloji i mobilitetit: Student Mobility for Studies (SMS)
• Institucioni pritës: Università degli Studi di Sassari, Itali
• Periudha e mobilitetit: Semestri Vjeshtë 2026/2027
• Kohëzgjatja: 1 semestër
• Aktiviteti: Studime në universitetin partner dhe njohje e kredive sipas marrëveshjes Erasmus+

Mbështetja financiare

Mobiliteti mbështetet me bursë mujore dhe rimbursim të shpenzimeve të udhëtimit, në përputhje me rregullat dhe kushtet e programit Erasmus+.

Kriteret e Përzgjedhjes

Aplikuesi/ja duhet të:

• Jetë student/e i/e regjistruar në Universum International College;
• Ketë përfunduar të paktën vitin e parë të studimeve, për studentët Bachelor;
• Ketë performancë të mirë akademike;
• Zotërojë gjuhën angleze, minimumi niveli B1;
• Jetë i/e motivuar për të studiuar në një mjedis ndërkombëtar dhe për të përfaqësuar institucionin në mënyrë dinjitoze.

Përparësi kanë

• Studentët që nuk kanë përfituar më parë nga mobilitetet Erasmus+;
• Studentët me rezultate të larta akademike;
• Studentët që demonstrojnë motivim të lartë dhe potencial për të përfituar nga përvoja ndërkombëtare.

Si të aplikoni?

Aplikimi bëhet online duke klikuar KËTU, duke bashkëngjitur dokumentacionin e kërkuar.

Dokumentet e kërkuara

• CV në gjuhën angleze;
• Motivation Letter;
• Transcript of Records;
• Certifikatë e njohjes së gjuhës angleze, nëse disponohet.

Afati i fundit për aplikim: 29 maj 2026

Për çdo informacion shtesë, ju lutemi kontaktoni Zyrën Ndërkombëtare.

Suksese në aplikim!