Studentët nga Kolegji Universum mund të shkojnë për të studiuar jashtë vendit për 4-5 muaj.

KUSH MUND TË APLIKOJ?

Të gjithë studentët që janë regjistruar si studentë në Kolegjin Universum mund të aplikojnë për programet e shkëmbimit në kuadër të Erasmus +. Mundësitë për shkëmbim studimor janë të hapura për çdo cikël studimi:

– cikli i parë studimor (Bachelor ose ekuivalent)

– cikli i dytë studimor (Master ose ekuivalent)

Ju lutem vini re se shkëmimi ne kuadër të Erasmus bëhet në kuadër të marrëveshjeve ndërinstitucionale mes Universum dhe institucioneve pritëse (universitetet ku dëshironi të aplikoni për një semestër). Kjo do të thotë se para se të jeni në gjendje të aplikoni, duhet të kontrolloni nëse Kolegji Universum ka një partneritet me universitetin ku dëshironi të vazhdoni studimet tuaja. Për ta bërë këtë, shikoni listën e universiteteve me të cilët bashkëpunojmë.

KËRKESAT E APLIKIMIT

– Të paktën 5 provime të përfunduara në Kolegjin Universum

– Pjesëmarrje aktive në aktivitetet të organizuara nga Kolegji Universum

– Njohuri të gjuhës angleze (B1 ose B2, siç përcaktohet nga universiteti pritës)

DOKUMENTET E KËRKUARA TË APLIKIMIT

– Certifikimi i Gjuhës Angleze (Anglia Examination)

– Transkripta e notave në gjuhën angleze (këtë mund ta merrni nga shërbimi studentor)

– Kopja e pasaportave

– 1 foto (300pix, madhësi – 3 * 4 cm, skedar – .jpg)

ÇFARË ËSHTË SHKËMBIMI I STUDENTËVE?

Programi i shkëmbimit të studentëve Erasmus + është në dispozicion për studentët që studiojnë aktualisht në një nga universitetet tona partnere të këmbimit dhe që dëshirojnë të vazhdojnë studimet në Kolegjin Universum. Përvoja e shkëmbimit miratohet dhe njihet si pjesë e studimeve tuaja për një semestër ose një vit të plotë akademik. Disa programe pranojnë edhe kohëzgjatje më të shkurtër të shkëmbimit.

SI TË APLIKONI?

Nëse dëshironi të vini në Kolegjin Universum për një shkëmbim nën programin Erasmus +, këto janë disa hapa që duhet të ndiqni dhe dokumentacioni që duhet të përgadisni:

Hapat e pranimit:

• Kontrolloni nëse universiteti juaj ka një marrëveshje shkëmbimi me Kolegjin Universum.
• Kontaktoni koordinatorët e zyrës ndërkombëtare të Universitetit tuaj për të ju nominuar si student ndërkomëtar në kuadër të Erasmus+.
• Për nominim, universiteti juaj duhet të i dërgojë transkriptën e notave dhe një letër nominuese zyrës ndërkombëtare në Universum (erasmus@universum-ks.org)
• Studenët e nominuar duhet të plotësojnë një formular aplikimi (të cilin do ta pranojnë me anë të një email-i) dhe të nënshkruajnë një Marrëveshje Mësimore, e cilat duhet të nënshkruhet nga studenti, institucioni nominues dhe Kolegji Universum. Informata të mëtejshme do të ju dërgohen me e-mail pas nominimit nga universiteti juaj.

Vëni re: Pas kontrollimit të dokumenteve, ne do të ju dërgojmë një letër pranimi.

Afati i aplikimit:

Semestri dimëror: 30 korrik (ligjeratat mbahen gjatë muajve: tetor – janar)

Semestri pranveror: 22 dhjetor (ligjeratat mbahen gjatë muajve: shkurt – qershor)

Dokumentet e kërkuara për aplikim:

• Marrëveshja Mësimore (e vulosur dhe e nënshkruar nga të tri palët)
• Formulari i aplikimit (do të ju ofrohet sapo të jeni nominuar nga institucioni juaj)
• Transkripta e notave (lëshuar nga institucioni juaj)

Ne vazhdimisht jemi në kërkim të partnerëve të rinj. Nëse jeni të interesuar të krijoni partneritet për projekte dhe aktivitete të ardhshme, dërgoni kërkesën tuaj në erasmus@universum-ks.org.

Për më shumë informata dhe sugjerime, ju mund të i drejtoni pyetjet tuaja përfaqësuesve të Zyrës Ndërkombëtare në Kolegjin Universum.

Arlinda Qehaja – Udhëheqëse e Zyrës Ndërkombëtare

Email: arlinda@universum-ks.org

Tel: +377 (0) 44 402 205

Gentiana Berisha – Menaxhere e Projekteve Erasmus

e-mail: gentianaberisha@universum-ks.org

Tel: +377 (0) 44 108 405