4 Taktika të Vjetruara të Cilat Sabotojnë Shitjet Tuaja

Shumë shitës mendojnë se ata përdorin qasje moderne të shitjeve, të përshtatshme për tregun e sotëm me ritëm të shpejtë. Në realitet, shumë taktika shitjesh të cilat përdoren sot u zbuluan para një shekulli dhe nuk kanë ndryshuar.

Nuk është befasi se pse shumë shitës kanë problem që të dominojnë ndaj konkurrentëve të tyre në shitje: Ata përdorin teknika të vjetruara të cilat i sabotojnë ata sa herë që ata shesin.

Nëse dëshironi të siguroheni se nuk jeni një nga këta njerëz, largoni këto katër taktika të vjetra përgjithmonë.

1.Përpjekja për të bindur kandidatët.

Përpjekja për bindje: Disa e quajnë atë art. Por në shitje, është vetëm një shprehi e përdorur tepër e cila nuk ka sukses më. Asgjë nuk i largon më shumë kandidatët se sa kur provoni t’i  bindni ata për diçka të cilën ata nuk janë të sigurtë se a kanë nevojë për të.

Problemi më i madh? Jo të gjithë kandidatët që ju takoni janë të kualifikuar të jenë konsumatorët tuaj. Zgjerimi i përpjekjeve për të bindur çdo kandidat  shpenzon kohën dhe burimet tua.

Në vend të kësaj fokusohuni në diskualifikimin e kandidatëve të cilët nuk janë të përshtatshëm për produktin ose shërbimin tuaj. Bëni pyetje për shtrirjen e buxhetit, procesin e marrjes së vendimeve, dhe për sfidat e tyre më të mëdha. Rezultati? Do të fitoni shumë informata për kandidatët tuaj që të mund të vendosni se a mundet oferta juaj t’i ndihmojë ata të arrijnë qëllimet e tyre.

2.Drejtimi me prezantim të produktit.

Kandidatët tuaj sot mund të hyjnë online që të mësojnë gjithçka që duan të dinë për produktin ose shërbimin tuaj. Ata nuk kanë nevojë t’a dëgjojnë sërish ngga ju. Dhe natyrisht ata nuk duan  t’a dëgjojnë prezantimin tuaj sapo të takohen me ju. Kur drejtoni një takim shitjesh me prezantim të produktit, ju përdorni qasje të parashikueshme dhe aspak impresionuese.

Shitësit më të mirë nuk i përmendin karakteristikat e produktit të tyre deri në fund të takimit ose deri sa kandidati kërkon ato informata. Të kuptoni më mirë nevojat e kandidatëve tuaj është më e rëndësishme se sa të prezantoni produktin tuaj. Do të bëni më shumë shitje nëse nuk drejtoni me prezantim të produktit sërish.

3.Të flisni në vend se të dëgjoni.

Për dekada, shitësit janë karakterizuar nga folja e shpejtë. Përderisa është mirë të jeni në gjendje të vazhdoni një bisedë të mirë me kandidatët, të folurit nuk duhet të jetë kurrë veprimi kryesor në një situatë shitjeje. Dëgjimi duhet të jetë i rëndësishëm.

Kur kaloni më shumë kohë duke dëgjuar, do të kuptoni më mirë kandidatët tuaj. Në të njëjtën kohë, ju ndërtoni lidhje të forta dhe të besueshme. Njerëzit dëshirojnë të ndihen se me të vërtetë ju i keni dëgjuar.

Mund të jetë e pa rehatshme në fillim që të lejoni që qetësia të mbizotërojë. Por sërish prorvoni të flisni më pak në çdo situatë shitjeje, edhe nëse kandidati juaj nuk flet shumë. Bëni pyetje për kompaninë, qëllimet dhe vështirësitë e kompanisë. Mos ndërhyni me informata për produktin ose shërbimin tuaj. Vetëm dëgjoni.

4.Ndezja e entuziazmit të rrejshëm.

A jeni të vetëdijshëm se si ndryshon në mënyrë dramatike zëri, personaliteti dhe sjelljet tuaja kur jeni në një situatë shitjeje? Gjasat janë, se ju bëheni më entuziastë dhe më të zhurmshëm kur shisni. Kjo sepse shumica e shitësve janë mësuar që të ndezin entuziazmin e rrejshëm.

Fatkeqësisht, kjo dëmton përpjekjet e juaja të shitjeve. I vendos kandidatët në mbrojtje. Dhe nuk bën asgjë për të zbuluar personalitetin tuaj të vërtetë të shitjeve dhe të arrini suksesin tuaj.

Në vend të kësaj, flisni me klientin tuaj potencial sikur që do të filsnit me një shok ose një anëtar të familjes. Do të vëreni se kandidatët do të jenë më të lehtësuar, dhe do të kenë më shumë gjasa të blejnë nga ju nëse kanë ndjenjën se ju jeni të sinqertë.

MARC WAYSHAK

Marc Wayshak është themeluesi i Sales Strategy Academy. Si një strategjist i shitjeve, ai krijoi një sistem të shënjestruar në revolucionizmin e mënyrës se si kompanitë i qasen shitjeve, duke u bazuar në përvojën e tij si një ndërmarrës. Ai diplomoi në Universitetin e Oxforrd në programin MBA dhe në Harvard University, ai është autori i Game Plan Selling dhe Breaking All Barriers.

/entrepreneur.com.al/