Zakonet e gjumit të njerëzve të suksesshëm

“Gjumi është meditimi më i mirë.” – Dalai Lama

Disa njerëzve duket sikur punët iu shkojnë vaj. Ata arrijnë të menaxhojnë familjen, karrierën dhe përgjegjësitë me shumë lehtësi. E ke pyetur ndonjëherë veten se si ka mundësi që këta njerëz arrijnë t’i bëjnë të gjitha ndërkohë që ti nuk ja ke idenë nga t’ia fillosh?

Kjo kategori njerëzish gjithmonë rritet në detyrë, fiton çdo garë, asnjëherë nuk janë të stresuar dhe gjithë vëmendja është tek ata.

Kush është sekreti i tyre? Si i përballojnë të gjitha?

Sekreti është: Gjumi.

Njerëzit që flenë gjumë mjaftueshëm janë të suksesshëm, të fokusuar dhe të lumtur.

Ne na duhet gjumi për të karikuar trurin dhe trupin tonë. Kur jemi të lodhur, ne kalojmë nga njëra detyrë te tjetra pa qenë shumë të qartë. Ne futemi në një cikël me detyra që nuk mbarojnë kurrë. Ne duam të jemi versioni më i mirë i vetes, qoftë kjo një nënë e përkushtuar, një drejtues i zoti apo një atlet i shkëlqyer.

Në shoqërinë tonë tepër të vrullshme, gjumi është një luks. Nëse ke biznesin tënd apo fëmijë, ti e kupton mjaft mirë shprehjen: “Do fle kur të vdes.”

Zakonet e këqija të gjumit e bëjnë trurin tonë të shqetësohet. Njësoj si një motor që nuk i është ndërruar vaji, ne fillojmë “të prishemi”.

• Ne acarohemi dhe ndryshojmë gjendjen emocionale, nëse mungesa e gjumit është e theksuar atëherë ne mund të përjetojmë haluçinacione dhe ankth.

• Ne mund të kemi çrregullime emocionale dhe marrdhëniet tona mund ta vuajnë këtë.

• Ne humbasim aftësinë tonë për të mbajtur mend dhe fillojmë të vonohemi kudo.

• Ne mund të fillojmë të konsumojmë dhe substanca të ndryshme.

• Gjumi i pakët është i rrezikshëm.

Rregullat e gjumit:

Mos ha para se të flesh!

Konsumoje vaktin e fundit 3 orë para se të flesh. Duke ngrënë shumë afër orarit të gjumit sistemi juaj tretës do ta ketë shumë të vështirë proçesin e tij dhe kjo mund të ndikojë negativisht në stomakun tuaj gjatë natës.

Shmangni kafeinën dhe alkolin!

Kafeina është një stimulant i cili e mban trupin zgjuar dhe me energji. Alkoli fillimisht mund t’ju qetësojë apo t’ju bëj të ndiheni përgjumësh, por në fakt ai rrit sasinë e kohës gjatë së cilës ju do të zgjoheni gjatë natës. (do t’ju lërë pa gjumë)

Shtrati juaj është për të fjetur gjumë, vetëm kaq.

Nëse ju lexoni, shikoni televizor apo punoni në shtrat do të jetë tepër e vështirë për ju të flini gjumë më vonë. Shtrati juaj duhet të shërbejë për të fjetur dhe vetëm për të fjetur.

Fikini dritat!

Dritat e shndritshme përmbajnë melatoninën, e cila merret me rregullimin e ciklit tonë të gjumit. Sugjerohet gjithashtu të shmangni leximin nga paisjet elektronike gjatë natës. Sa më e errët dhoma, aq më mirë. Përdorni perde të trasha apo një maskë gjumi.

Mos flini shumë.

Të gjithëve na pëlqen gjumi. Por gjumi i tepërt mund të shkaktojë sëmundje të zemrës, diabet dhe depresion. Të rriturit kanë nevojë për 8 orë gjumë. Kjo ndryshon në varësi të personit, por përdoreni këtë si një guidë udhëzuese.

businessmag.al