Studimi i Ri Zbulon se “Bufët e Natës” Mund të Kenë një Variant të Posaçëm Gjenetik

A ju identifikojnë si një buf nate? Ju mund të keni gjënë ndryshe. Hulumtuesit në Universitetin Rockfeller në Nju Jork kanë zbuluar se tendenca për të qëndruar deri vonë në fakt mund të jetë për shkak të një ndryshimi gjenetik.

Gjeni “CRY1” i cili ndihmon në kontrollin e orës e cila dikton kur ne ndjehemi të përgjumur, është zbuluar se ajo mund të jetë e ndryshme në shumë njerëz të cilët përjetojnë më shumë energji gjatë natës. Këta ‘bufë nate’ të cilët kanë një variant të këtij gjeni, kanë një cikël më të gjatë se të tjerët, duke shkaktuar që ata të qëndrojnë zgjuar më vonë. Këto rezultate janë publikuar në revistën Cell.

Pra, nëse ju keni qëndruar zgjuar deri vonë, dhe e keni pyetur veten se pse nuk mund të flini, ju mund të jeni të lumtur të dini faktin se ky ndoshta nuk është faji juaj. Ashtu si çrregullime të tjera që rrjedhin nga mutacionet gjenetike të tilla si narkolepsia dhe pagjumësia, sindroma e ‘bufëve të natës’-që shkencëtarët e identifikojnë si Sindroma e Çrregullimit të Gjumit të Vonuar (DSPD)-mund të jetë një nga këto. Faktikisht, është e zakonshme; mutacioni që e shkakton Sindromën e Çrregullimit të Gjumit të Vonuar mund të jetë i pranishëm në një në 75 njerëz.

Në bashkëpunim me hulumtuesit e gjumit në kolegjin e Mjekësisë Weill Cornell, autori i lartë dhe kreu i Laboratorit të Gjenetikës Michael W. Young dhe bashkëpuntorja e tij për hulumtime Alina Patke Rockefeller, kanë studiuar një grup të pjesëmarrësve të cilët kaluan dy javë në një apartament të hulumtimit ku mungonte ndonjë tregues i orës. Ata zbuluan se shumica e njerëzve aty e vazhduan orarin e tyre të rregullt të ngrënies dhe të gjumit, por studiuesit e vërejtën një person i cili qëndronte vonë dhe hante më vonë se gjithë të tjerët.

“Nivelet e melatoninës fillojnë të rriten rreth orës 9 ose 10 gjatë natës, te shumica e njerëzve”-tha Young. “Në këtë pacient i cili vuan nga kjo sindromë e gjumit, kjo nuk ndodhë deri në orën 2 ose 3 të mëngjesit.”

Duke hulumtuar ADN-në e këtij personi, studiuesit gjetën një mutacion në gjenin “CRY1” dhe gjithashtu zbuluan se e gjithë familja e pacientit kishte shenja të DSPD apo probleme të vazhdueshme të gjumit. Pesë nga anëtarët e familjes gjithashtu posedonin mutacion gjenetik. Duke bërë hulumtime të mëtejshme, shkenctarët zbuluan se “mutacioni është dominant, që do të thotë se të pasurit vetëm një kopje të tij, mund të shkaktojë çrregullim të gjumit.”

/entrepreneur.com.al