Ja se si Biznesi Juaj Mund Të Jetë i Hapur

Në botën e sotme digjitale, nuk ekzistojnë më orët e punës sepse një biznes nuk mund të jetë më ‘’i mbyllur’’. Kjo nuk do të thotë se ju qëndroni në zyrë gjatë gjithë kohës, por konsumatorët tuaj dhe ata potencialë presin qasje 24/7. Varësisht se a vjen ajo në formë të gjetjes së informatave në webisten tuaj, angazhimin dhe bashkëveprimin me ju në kanale të mediave sociale ose duke lënë një vlerësim në një faqe të palës së tretë, biznesi juaj është gjithmonë ‘’ i hapurr’. Nuk mund të ndaloni kurrë duke i kushtuar vëmendje.

Me teknologjinë e sotme, është më e lehtë se kurrë për t’a bërë këtë. Gjendja e gatishmërisë 24/7 u tregon konsumatorëve se ata janë prioriteti numër 1. Këtu janë disa parime të shërbimeve 24/7:

Aftësia për të komunikuar në çdo kohë

Duke iu ofruar konsumatorëve kanale të hapura të komunikimit me kompaninë tuaj në çdo kohë është e rëndësishme. Kjo do të thotë të keni prezencë në faqe me informata lehtësisht të arritshme, dhe një ekip të ndihmës.

Nëse konsumatorët përdorin produktin tuaj, ata duhet të jenë në gjendje që të pyesin për të dhe të kërkojnë ndihmë, varësisht se çfarë dite është. Edhe nëse është një përgjigje e automatizuar e cila tregon për shërbimin tuaj ,orët e ndihmës, dhe ofron linqe për zgjidhje të mundshme, është më mirë se sa t’i lini ata në errësirë, duke mos e ditur se kur do të pranojnë përgjigje. Për websitet të cilat kanë ‘’chat live’’. më të mirët lejojnë që përdoruesit të dinë se sa kohë duhet të presin për përgjigje. Kështu u tregoni konsumatorëve se jeni aty, dhe se kuptoni se kanë nevojë për ju dhe se do t’a adresoni këtë gjë sa më shpejtë që të jetë e mundur.

Pika të shumta kontaktesh pas porosive

Pasi të bëjnë një porosi, konsumatorët kanë më shumë gjasa të angazhohen me ju pesë herë më shumë brenda 90 ditëve nga porosia. Kjo do të thotë se ju duhet të merrni kontrollin e procesit të klientit tuaj dhe të ofroni pika të shumta komunikimi dhe oferta proaktive të mbështetjes. Veçanërisht për blerjet online ose blerjet e shtrenjta, ky lloj i rehatisë është themelor për të shmangur pendimin e blerjes. Ju shpesh shihni shembuj të mirë të këtij stili të shërbimit dhe rehatohen nga shitësit: Ata shpejt dërgojnë një e-mail falenderimi dhe dërgojnë linqe direkte për mbështetje dhe informacione kontakti. Gjithashtu, kuptoni se është e rëndësishme të personalizoni këtë komunikim. Përderisa dërgoni mesazhin e njëjtë te të gjithë konsumatorët, të paktën vendosni emrin e klientit në e-mail. Studimet tregojnë se e-mailet e personalizuara kanë më shumë gjasa të kenë sukses.

Vëmendja ndaj nevojave të konsumatorit.

Si biznes,ju jeni aty për t’u shërbyer dhe për të mbështetur konsumatorët, por bizneset e mençura gjithashtu mbikëqyrin sjelljet e konsumatorëve, që të mund të shihni se çfarë bëjnë konsumatorët me produktin tuaj, si po e përrdorin dhe se çfarë po bëjnë me dijen të cilën ua keni ofruar. Duke i kushtuar vëmendje asaj se çfarë klientët po bëjnë në media sociale, në bizneset dhe në sukseset e tyre veçanërisht sepse ka të bëjë me përdorimin e produktit tuaj është vitale të kuptoni më mirë se si t’u shërbeni konsumatorëve të ardhshëm dhe të ofroni edhe më shumë vlera në bazën e tanishme të konsumatorëve.

Kjo mbikëqyrje gjithashtu përfshin kuptimin e asaj se si trendet dhe ngjarjet e tanishme mund të ndikojnë në marrëdhëniet e konsumatorëve me juve, me produktin ose shërbimin tuaj dhe rezultatet që ata mund të arrijnë duke punuar me ju. Për shembull, nëse ju shisni një zgjidhje të pagave dhe zbuloni një faturë të re e ecila mund të ketë ndikim në procesin e pagave, tregojuni konsumatorëve dhe ndiqni tregimin. Tregoni faktet, tregojuni se po e monitoroni situatën dhe dhe ofrojuni informatat e nevojshme që konsumatorët e juaj të ndihen se janë në duart e duhura.

Kur mund të ofroni vlera te konsumatorët tuaj dhe përtej produktit tuaj, ju keni marrë hapin e ardhshëm në marrëdhënien me klientë dhe keni ofruar shërbim të vërtetë 24/7.

Jill Schiefelbein

Jill Schiefelbein është ish profesoreshë, folëse profesioniste, dhe eksperte e komunikimeve të biznesit. Nga analizimi i dokumenteve të marra nga kampet terroriste për të shqyrtuar strategjitë e komunikimit të jihadit, duke ndërtuar zyrë edukimi duke u shërbyer 60,000 studentëve dhe duke fituar shpërblim për ndërmarrësi. Schiefelbein pëlqen sfidat strategjike. Biznesi i saj, The Dynamic Communicator, krijon dhe ekzekuton strategji komunikimi të cilat ndihmojnë kompanitë të zgjidhin problemet, të mbajnë talentet dhe të prodhojnë të ardhura. Porositni librin e saj të ri Dynamic Communication sot.

entrepreneur.com.al