fbpx

Kolegji Universum lider i mundësive reale ndërkombëtare për studentë dhe staff për shkëmbim semestral, këtë po e dëshmon fakti se deri tani këtij institucioni të arsimit të lartë në Kosovë i janë aprovuar 114 marrëveshje me universitete në 26 shtete të Evropës dhe Turqi. Së fundmi, gamës së bashkëpunimeve i është shtuar edhe projekti tjetër për BURSA ndërkombëtare në Greqi.

Studentët e Kolegjit Universum do kenë mundësinë të studiojnë për një semestër në “Hellenic Mediterranean University” në ishullin Crete në Greqi.

Universiteti HMU ka një histori 40 vjeçare dhe ofron studime universitare dhe pasuniversitare me cilësi të lartë në Informatikë dhe Shkenca Inxhinierike, Shëndetësi, Bujqësi dhe Ushqimi, Ekonomia dhe Menaxhimi dhe Mjedisi. Ndërsa Crete është ishulli më i madh, më i populluar i Greqisë si dhe ishulli i pestë më i madh në detin Mesdhe.

Të gjithë studentët përfitojnë shkollim falas, kompenzim mujor 850 euro dhe 275 euro kompenzim për shpenzime të transportit.

Kolegji Universum, mbetet lider për mundësitë ndërkombëtarë për studentët! Deri sot 297 studentë të Kolegjit Universum dhe 105 staf akademik dhe administrativ kanë përfituar nga kjo mundësi.

Së shpejti do të shpallet thirrja për aplikim për shkëmbim semestral në këtë universitet me bursë të plotë.

Për informata shtesë kontakto Kolegjin Universum në info@universum-ks.org, ndiqni faqen në facebook & instagram apo telefononi në +383 44 144 062.