Pse Ky Prodhues i Kufjeve Mendon se Nuk Duhej të Bënte Kurrë Shitje

Këtë Korrik me mijëra kufje me wireless të LSTN do të zbulohen në raftet e klasit të parë të Delta. ( Shënim: Nuk duhet t’i merrni ato në shtëpi). Ortakëria është gjë e mirë për çdo ndërmarrës, por veçanërisht për bashkëthemeluesit Joe Huff dhe Bridget Hilton. Është rezultati i të ri menduarit për biznesin e tyre, dhe braktisja e gjithçkaje që mendonin se e dinin rreth shitjes së kufjeve.

Kur ata lansuan kompaninë e tyre audiovizuale West Hollywood në California, menduan se shitja ishte rruga e pagabueshme drejt konsumatorëve. ‘’Ne menduam, në mënyrë naive, se kjo ishte rruga e vetme për të pasur sukses’’, thotë Hilton. Marrëveshja e tyre e parë ishte me Whole Foods, edhe pse shumica e shitoreve të saj nuk shiti kurrë kufjet. ( ‘’Ishte një rrëmujë’’, thotë Hilton). Ata bënë kërkime, shkuan në shfaqjen Today dhe Good Morning America, dhe arritën Best Buy dhe Nordstrom, në mes tjerash.

Bashkëthemeluesit ishin të përgatitur. Ata gjithashtu vendosën një prezencë digjitale dhe arritën në disa ortakëri me fat ( përfshirë një me Spotify), por shitja ishte prioriteti më i madh. Dhe së shpejti, ata zbuluan, ishin më të kërkuara se sa ata kishin pritur.

‘’Mbështetja e një shitjeje është një ekuacion tërësisht ndryshe. Kishte lloje të ndryshme të pagesave të përfshira’’, thotë Hilton. Kishte shfaqje tregtie për t’i ndjekur. Shpenzimet për marketingun brenda dyqanit, duke përfshirë ekspozime të shtrenjta. Pagesat e reklamave të cilat i shpenzuan rezervat e tyre të vogla. Takimet e ‘’pafundme’’ me shitësit. Pagesat për ekipet e shitjes, përfaqësuesit, sallat e ekspozitës. Shitësit kërkonin ambalazhe më të shtrenjta. Dhe varësisht këtyre të gjithave, njerëzit e mëdhenj në kategorinë e tyre mund të bënin gjithmonë marketing më të madh, më të fuqishëm dhe më të zhurmshëm. ‘’Ishte dështim përpjekja për të konkurruar me Bose dhe Beats në vendet si Target dhe Brookstone’’, thotë Hilton.

Në këto dyqane, ata gjithashtu po humbisnin kontrollin ndaj mesazhit të tyre. Po, LSTN shet kufje punëdore, të cilësisë së mirë për 150-250 dollarë, por ata bëjnë më shumë se kaq. Huff dhe Hilton dëshironin që njerëzit t’a dinin këtë nga çdo blerje e tyre, LSTN u ofron aparate dëgjimi njerëzve me nevojë përmes partnerit të tyre bamirës, Starkey Hearing Foundation. Ky është pasioni i tyre, dhe është ajo çka i bën ata ndryshe. Por nuk kishte mënyrë të lehtë për t’a shpjeguar këtë përmes raftit.

Në fillim të vitit 2015, ata nuk mund t’a mohonin këtë: Ata iu kishin qasur shitjes gabimisht. ‘’Shumë kompani të mëdha përdorin  shitjen si marketing’’, thotë Hilton. ‘’Ne kishim nevojë t’a përdornim këtë për të fituar para’’. Por, thotë ajo, ‘’ na shpenzoi shumë kohë’’ dhe na ndaloi nga gjërat prej të cilave me të vërtetë do të fitonim para, si ortakëritë dhe shitjet online. Nëse ata do të vazhdonin kështu, kompania do të dështonte.

Kështu që ata vendosën të bëjnë atë që para një viti do të dukej si një rrezik i madh: Ata u tërhoqën nga dyqanet.

Ata kthyen fokusin te Amazon dhe website i tyre, dhe u bënë ortakë. Dy vite më vonë, kjo iu shpagua atyre. Shitjet u përmirësuan, dhe ata hynë thellë në reklamat online. Ata ndërtuan një ortakëri shumëdimensionale me Chivas Regal dhe bënë marrëveshje me Delta, e cila do të thotë se 10,000 njerëz në ditë do të kenë ekspozim direkt ndaj markës.

‘’Kjo është pothuajse katër milion pasagjerë në vit’’, thotë Huff. Ata gjithashtu patën kapacitetin të punojnë edhe produkte të reja.

‘’Sikur të mos kishim shitur kurrë’’, thotë Hilton. ‘’ Do të ishim shumë më larg tani nëse do të koncentroheshim në website-n tonë’’.

Por varësisht prej të gjitha këtyre, bashkëthemeluesit nuk janë kundër shitjes. Ata vetëm e dinë se koordinimi i tyre ishte i gabuar. Një ditë, thonë ata, mund të kthehen në dyqane, por vetëm kur të dinë saktësisht se si të përfitojnë nga ato.

/entrepreneur.com.al