Suksesi dhe Lumturia: Mos u Mashtroni Duke Menduar se Janë e Njëjta Gjë

Tani mendoni për kriterin të cilin e përdorët për të vlerësuar veten. Disa njerëz mund të shikojnë llogarinë e tyre bankare. Të tjerët shkallët e arsimimit që kanë mbledhur. Shumë do të shikonin marrëdhëniet e tyre me bashkëshortët, fëmijët dhe shokët e tyre. Disa madje mund të hapin dollapin e tyre dhe të shikojnë rrobat, çantat dhe orat e shtrenjta.

A e konsideroj veten ‘’të suksesshëm’’? Po. Kam krijuar një biznes t ë mrekullueshëm; Më respektojnë shumë në fushën time; dhe kam shumë shkallë. E dua shtëpinë time dhe marrëdhëniet e mia janë të fuqishme.

Por në anën tjetër, unë nuk zotëroj shtëpinë time. Unë shita ndërtesën kur u divorcova. Jam gjithashtu mbipeshë, e cila nuk do të thotë sukses, veçanërisht për një grua. Oh, dhe unë lashë studimet e doktoraturës.

Për disa njerëz, nuk mund të dukem si e suksesshme.

Çfarë duam të themi me ‘’sukses’’?

Shoku dhe kolegu im Ryan Celho thotë se fjala ‘’sukses’ është si fjala ‘’Zot’’. Nëse pyesni 100 njerëz se çfarë do të thotë, të gjithë do të kenë përgjigje të ndryshme. Ai ka të drejtë.

Në një nivel, ne e kuptojmë se suksesi i vërtetë ka të bëjë me lumturinë. E dimë këtë.

Dhe ende shumica prej nesh( edhe ata të cilët i ndihmojnë njerëzit të bëhen të lumtur) shumë lehtë ngatërrojnë suksesin me lumturinë, të paktën deri sa të bëhemi më të zgjuar.

Kërkoni fjalën ‘’suksess’ dhe  do të gjeni një definicion si ‘’arritja e pasurisë, pozitës dhe respektit’’,, dhe sinonime si ‘’përmbushje’’, ‘’ prosperitet’’ dhe ‘’famë’’. Nuk kam asgjë kundër fjalës sukses ose ndaj definicionit të tij tradicional. Është vetëm një fjalë, pas të gjithash. Por le të tregojmë se çfarë është. Është një etapë e performancës dhe e arritjes, një shkop matës.

Matjet e  qarta janë të rëndësishme dhe kanë vendin e tyre, veçanërisht në botën e biznesit. Por nëse po kërkoni përmbushje personale, nuk ka gjasa që matjet tradicionale të suksesit të ju dërgojnë aty.

Si një shoqëri, ne besojmë se suksesi, gjërat dhe statusi janë gjërat më të rëndësishmet. I ndjekim ato, dhe me siguri arrijmë në Qytetin Emerald. Përderisa nuk ka asgjë gabim me dëshirën ndaj gjërave, statusit dhe pasurisë, është një gabim të supozojmë se ato shtrojnë rrugën drejt lumturisë dhe përmbushjes.

‘’Suksesi’’ është përdorur në kontekste të ndryshme sa që kemi harruar se çfarë do të thotë me të vërtetë. Është e paqartë dhe e mbyllur. Suksesi lëkundet para syve tanë për gjërat për të cilat mendojmë se do të na bëjnë të lumtur, statusi dhe gjërat.

Por ne në të vërtetë nuk i dëshirojmë të gjitha ato. Ajo që dëshirojmë është mënyra se si mendojmë se ato gjëra dhe statusi do na bëjnë të ndihemi. Ndryshim i madh. Suksesi, duket se ka të bëjë me atë që mendojmë se na bën të lumtur. Është një gjë e shkëlqyer dhe joshëse, por ka një gjë: Ju mund të bëni gjithçka për të ndjekur suksesin tradicional, por lumturia dhe përmbushja personale nuk janë të garantuara.

Personalisht, në lartësinë e ‘’suksesit tim’’, isha shumë e dëshpëruar. Nuk po them se ka një marrëdhënie të kundërt në mes të suksesit dhe lumturisë, por thjesht nuk ka marrëdhënie pozitive. Ato janë dy gjëra të ndryshme.

Një formulë e famshme për suksesin e cila është e garantuar se do të dështojë është: Kur t’i kem ( sasinë e suksesit) do të jem i lumtur. Do të dështojë sepse këto nuk ndjekin njëra tjetrën.

Si e definoni ju suksesin dhe lumturinë personalisht varet nga ju. Por kuptoni ndryshimin.

Ju uroj lumturi dhe sukses.

/entrepeneur.com.al