Nëse do të dështoni, dështoni në mënyrë të zgjuar

Ju jeni vërtetë në rrugën e suksesit kur e pranoni se dështimi është pjesë e rrugëtimit tuaj.

Ju do të dështoni.

Është e pashmangshme – ne të gjithë kemi dështuar në diçka gjatë jetës tonë. Pyesni çdo sipërmarrës dhe ata do t’ju thonë të njëjtën gjë. Disa dështime janë masive, ngjarje të jetës të pashmangshme, por ka dhe dështime të tjera “të vogla” të cilat nuk kërkojnë që ju të jeni shumë vigjilent. Por të dy tipet e dështimeve kanë diçka të përbashkët:

Mund të mësosh prej tyre.

Howard Love, një investitor ëngjëll, autor i “Start-Up J-Curve” dhe themelues i lovetoknow.com dhe flexjobs.com është një përkrahës i madh i përfitimeve të dështimit. Në fakt, ai i ka kushtuar një kapitull të tërë kësaj teme në librin e tij.

“Kur vjen puna tek startup-et, unë i ndaj dështimet në dy kategori të ndryshme,” thotë Howard. “Ka dështime të sipërmarrjes, e cila duhet të shmanget me çdo kusht. Dhe këto janë dështimet që do t’ju ndodhin çdo ditë. Këto dështime do të vijnë tek ju si një “lumë” – ato nuk do të ndalen. Duke qenë në një startup, ju jeni në thelb duke u hedhur nga një dështim në tjetrin, me pak sukses në mes. Kjo është normale. ”

Pra çfarë rekomandon Howard të bëjmë për të përballuar dështimin?

1. “Përqafojeni” dështimin tuaj
“Ju duhet t’a shikoni dështimin si shokun tuaj,” këshillon Howard. “Kur dështimi vjen dhe produkti juaj nuk punon, ju duhet t’a pranoni këtë fakt – vetëm atëherë ju mund të merrni me të, t’a rregulloni dhe t’a ktheni në diçka që do të pëlqehet nga konsumatorët.”

Nëse ju e mohoni ose luftoni me dështimet e juaja është e mundur që sipërmarrja juaj do të dështojë. Në vend të kësaj, Howard rekomandon t’i pranoni dështimet tuaja dhe të ndërveproni me to në një mënyrë shumë profesionale, efikase, duke u siguruar që po mësoni prej tyre dhe t’i përdorni këto mësime për të krijuar atë që ju doni të bëni në të ardhmen.

2. Bëhu fleksibël
“Gjithmonë mbani mend misionin tuaj origjinal”, thotë Howard. “Mos harroni se çfarë ju shtyu në këtë sipërmarrje dhe çfarë ju pëlqen të bëni. Mos hiqni dorë kurrë tek kjo pjesë, por ju duhet të jeni shumë fleksibël me të gjitha specifikat përgjatë rrugës.”

Të mësosh nga dështimet do të thotë të jesh i hapur për të bërë disa ndryshime në planin apo modelin që ndiqni, jo vetëm në produktin tuaj. Sipërmarrja (sidomos sipërmarrja e suksesshme) kërkon shumë zhvillim, punë dhe maturi. Ju nuk shkoni atje për të refuzuar “të luani”.

Duke zhvilluar një marrëdhënie të shëndetshme me dështimet tuaja të pashmangshme, ju do të ndihmoni biznesin tuaj të rritet gjithmonë e më shumë.

Cila është gjëja më e madhe që ju keni mësuar nga një dështim dhe si e keni përdorur atë njohuri për të krijuar praktikat e biznesit tuaj? Mendoni për këtë gjë.

/businessmag.al