Kur duhet të pushoni një punonjës?

Një nga detyrat tona si menaxher apo pronar biznesi nuk është vetëm të merremi me punonjës të vështirë, por gjithashtu t’i lëmë të ikin kur justifikohen. T’i raportosh pushimin nga puna një punonjësi nuk është një detyrë e këndshme, por është e nevojshme nëse synon të kesh një biznes të suksesshëm.

Mos i lini punonjësit dembel të rehatohen shumë – duke marr parasysh dëmet që i sjellin kompanisë – bën mirë t’i mbani nën vëzhgim. Nëse ata shfaqin një apo më shumë nga shenjat e renditura më poshtë atëherë është më mirë ta pushoni këtë punonjës, më mirë herët sesa vonë.

Mungon/Nuk lajmëron.

Si lider, ti duhet të jesh i ndjeshëm. Nëse një punonjësi i ndodh një fatkeqësi familjare gjëja e fundit që atij i shkon në mendje është të telefonoj në punë për të lajmëruar se nuk do të paraqitet. Gjithsesi, nëse kjo pësëritet atëherë dyshimet fillojnë të rriten. Mungesat e shumta sjellin kosto të mëdha për biznesin si në kohë ashtu edhe në para.

Ti duhet të kesh një rregullore që jep udhëzime për pushimet dhe masat që merren për mungesat në minutën e fundit. Prezantojeni këtë rregullore te punonjësit që në fillim. Unë personalisht, i tërheq vërejtje punonjësit mungesën pa lajmëruar në herën e parë që ndodh, por nëse kjo përsëritet ai pushohet menjëherë. E di që duket e ashpër , por unë kam një biznes për të drejtuar dhe nuk mund të lejojë që një person i tillë të pengojë ecurinë time dhe të ekipit tim.

Produktiviteti është i ulët.

Ka disa periudha kur produktiviteti është i ulët. Ndonjëherë një projekt bëhet më i madh dhe kërkon më shumë kohë nga çfarë mund të jetë planifikuar. Kjo nuk do të thotë se punonjësit nuk e kanë aftësinë për të qenë të suksesshëm. Ata thjesht janë të mbingarkuar me punë.

Por nëse një punonjës i veçantë i cili vazhdon t’i përfundojë detyrat më vonë nga afati i përcaktuar, atëherë këtu po kemi të bëjmë me mungesë aktiviteti. Ai iu merr shumë kohë, prandaj ka ardhur momenti që të largohet.

Hedh gurin fsheh dorën.

Ky individ mund të shkaktojë dëme të mëdha në vendin e punës nëse nuk mbikëqyret, mendoj se e dini për kë bëhet fjalë. Ata përhapin fjalë negative. Ata nxisin kolegët kundra njëri tjetrit. Ata nxisin kryengritje apo flasin keq për drejtuesin e tyre. Nëse keni një punonjës i cili nuk përkrah iniciativat e kompanisë, kritikon çdo kërkese të projektit, është molla e sherrit dhe shkaktar i çdo problemi, atëherë ndoshta ka ardhur koha që ky person të bëjë gati valixhet.

Nuk përshtatet me ndryshimin.

“Ndryshimi është i pashmangshëm, sidomos në një kompani që ecën me ritme të shpejta. Punonjësit duhet të përshtaten me ndryshimet dhe të synojnë të përmirësojnë aftësitë e tyre,” ka thënë Matthew Bellows, CEO i Yesware. “Ne duhet t’i zhvillojmë aftësitë tona me ritmin e kompanisë.”

Kjo mund të jetë tepër e vështirë nëse ke të bësh me një punonjës që punon shumë, është i përgjegjshëm dhe përshtat me kulturën e kompanisë.

Fatkeqësisht nëse ai nuk mund të performojnë në një nivel më të lartë dhe nuk ecin dot me të njëjtin hap, atëherë është koha që ai t’ia lërë vendin dikujt që di të përshtatet.

Nuk përmirësohet.

Le të themi se ti ke një punonjës që është i ngadaltë apo ka frikë nga të flasi në publik. Nëse ai nuk përpiqet të vij më herët në punë apo të trajnohet për të folur në publik, apo nuk bën asnjë përpjekje për të korigjuar gabimet e tij apo për t’u përmirësuar, atëherë është në interesin tuaj që vendi i tij i punës të shkurtohet.

Burimi:businessmag.al