Këto janë 10 markat më të blera në botë

Nga pijet me gaz e deri te pasta e dhëmbëve.

Edhe pse pijet me gaz nuk konsumohen shumë, Coca-cola mbetet një ndër market më të famshme sipas Kantar Worldpanel, një firmë kërkimore për konsumatorin. Kantar Worldpanel studion se sa familje nga e gjithë bota blejnë marka të ndryshme. Në analizat e bëra për sjelljen e konsumatorit në periudhën Tetor 2014 dhe Tetor 2015, u vlerësuan 300 miliardë zgjedhje të konsumatorëve, që përfshijnë 1,500 marka për 44 shtete.

Kjo është lista e markave më të famshme:

10. Dove: Nën pronësinë e Unilever, Dove është një ndër market më të shitura duke kapur shifrën e 31 milionë familjeve më shumë krahasuar me vitin e kaluar.

9. Knorr: Gjithashtu pjesë e Unilever, Knorr shet produkte të ndryshme si erëza në vazo, kuba dhe esenca që përdoren për t’i dhënë shije supës, gjellës, etj.

8. Indomie: Marka që tregton noodles është më e preferuara në Indonezi. Kohët e fundit ajo është përhapur dhe në Turqi.

7. Nescafé: Marka e kafes nën pronësinë e Nestle është akoma e famshme edhe pse në vitin 2014 ajo renditej e gjashta.

6. PepsiCo: Fama e kësaj kompanie që prodhon pije me gaz përkrahet nga Egjipti, një ndër pjesët e pakta të botës ku njerëzit zgjedhin Pepsin para Coca-Cola-ës.

5. Lays: Gjithashtu nën pronësinë e PepsiCo, Lays është i preferuar për 25 milionë familje më shumë se vitin e kaluar.

4. Maggi: Kjo kompani kontrollohet nga Nestle dhe prodhon supë të konservuar, salca, kuba me esencë dhe noodles.

3. Lifebuoy: Kjo kompani sapunësh është bërë një ndër markat e preferuara për Emiratet e Bashkuara Arabe dhe Indonezinë. Ajo gjithashtu ka krijuar një sistem paralajmërues që i kujton njerëzit t’i lajnë duart plotësisht.

2. Colgate: Pasta e dhëmbëve më e preferuar që nga fillimet e saj dhe mbetet e tillë për mbi 40 milionë familje këtë vit.

1. Coca-Cola: Shishja e kuqe e Coca-Cola-ës zë vendin e parë të klasifikimit për vitin e kaluar. Ajo e ka ndërtuar famën e saj jo vetëm prej reklamave të mirëmenduara por edhe duke i funizuar dyqanet në të cilat shitet me frigorifer që mbajnë logon e saj.

Burimi:businessmag.al