Dymbëdhjetë Mënyra se si nuk e Kuptoni që Po Lini Përshtypje të Keqe në Punë

Përshtypjet e para janë të rëndësishme por njëlloj të rëndësishme janë përshtypjet që i lini ditë pas dite në ekipin tuaj.

Të gjithë kanë shprehi të cilat do të mund t’i përmirësonin por ju ndoshta nuk e dini se i keni këto shprehi. Kur shprehitë tuaja të këqija ndërhyjnë në ambientin e punës bëhen të dëmshme për qëllimet e përbashkëta të kompanisë. Kjo dërgon në marrëdhënie të këqija me kolegët dhe klientët.

Këtu janë 12 mënyra të cilat mund të sabotojnë suksesin tuaj duke lënë përshtypje të këqija në punë.

  1. Gjithmonë jeni vonë

A e gjeni gjithmonë veten duke nxituar për punë ose  për takime dhe duke u vonuar 10 ose 15 minuta? Në vend se të gjeni arsyetime, jepni vetës gjysmë ore shtesë çdo ditë për të mënjanuar pengesat duke përfshirë trafikun, parkingun e zënë ose e mailet dhe thirrjet e minutës së fundit. Vonesat shumëvjeçare shkaktojnë stres dhe tregojnë mungesë respekti për të tjerët. Nëse e dini se do të vonoheni, lajmëroni të tjerët para kohës.

  1. Jeni të çorganizuar.

Grumbujt e dosjeve, qindra emaile dhe letra të shumta në çdo qoshe të zyrës dëmtojnë përshtypjen e kompetencës. Nëse nuk mund t’i kontrolloni ato që ju rrethojnë, si mund t’ua besojnë përgjegjësitë e mëdha? Mos provoni të lulëzoni në një kaos ‘’të organizuar’’. Zvogëloni këtë mbingarkesë duke rregulluar rëmujën çdo javë. Nëse nuk mund të gjeni kohë për t’a pastruar atë, punësoni një organizues profesionist.

  1. Përkujdeseni për pamjen në zyrë.

Prerja ose pastrimi i thonjëve, krehja e flokëve, vendosja e parfumit ose pastrimi i dhëmbëve në tavolinë janë gjëra të cilat nuk duhet t’i bëni. Bëni këto në shtëpi, ose të paktën, në banjë ose në zyrë kur jeni vetëm.

  1. Jeni mospërfillës.

Të shikosh gotën gjysmë të mbushur në vend të gjysmë të zbrazët nuk është gabim, por mënjanimi i problemeve me një qëndrim mospërfillës irriton kolegët dhe ju bën të dukeni se nuk e merrni punën seriozisht. Mos i lini mënjanë problemet të cilat mund të rriten. Përballuni me to. Edhe më mirë, parashikoni problemet e mundshme para se ato të ndodhin.

  1. Shani shpesh

Nëse shani rregullisht në punë është ofenduese dhe ju bën të dukeni të pa edukatë dhe të pa kujdesshëm. Bëhuni sa më diplomatikë që mundeni por flisni nëse dikush në punë ju shan. Nëse ju jeni ai i cili ofendon njerëzit, dini se të tjerët po gjykojnë sjelljet tuaja. Pastroni këto veprime duke shpërblyer veten pasi t’i bëni këto ndryshime të vogla. Mbani një qyp në tavolinën tuaj dhe vendosni disa dollarë në të sa herë që kaloni ditën pa sharë.

  1. Zemëroheni shpesh

Kjo taktikë mund të ketë pasur sukses kur keni qenë fëmijë, por nuk është efikase në zyrë. Tregon se ju nuk mund të duroni presionin, dhe i bën të tjerët që të mos ju besojnë ose të mos ju afrohen. Kur ndiheni se po humbisni kontrollin, largojeni veten nga situata, nëse është e mundur. Dilni jashtë që të merrni ajër të pastër ose bëni ushtrime. Mësoni mënyra që të zvogëloni stresin dhe me qetësi shprehni mendimet tuaja. Merrni ndihmë profesionale nëse zemërimi juaj nuk largohet dhe ndërhyn në marrëdhëniet tuaja me familjen, shokët dhe kolegët.

  1. Jeni flirtues.

Edhe nëse ju tërheq dikush në punë, mbani komentet(dhe duart) e juaja për veten. Shakatë pa kripë dhe seksuale i bëjnë të tjerët të ndihen jo rehat. Bëhuni një shembull i mirë dhe praktikoni vetë-kontrollin në veprimet, fjalët dhe gjuhën e trupit tuaj.

  1. Përdorni fjalë mbushëse.

Një person i cili murmurit nuk duket i edukuar. Mësoni të flisni dhe të artikuloni fjalët pa përdorur fjalët mbushëse duke përfshirë ‘’um’’ ‘’si’’, dhe ‘’ti e di’’. Zgjeroni fjalorin tuaj dhe mësoni nga një fjalë çdo ditë dhe do të jeni të gatshëm të komunikoni më qartë.

  1. Gënjeni, mashtroni dhe vidhni.

Mos dobësoni besueshmërinë ose karrierën tuaj për shkak të një impulsi për të gënjyer, mashtruar ose vjedhur. Nuk ka asgjë të mirë në mashtrimin e dikujt. Ata të cilët kanë sukses në biznes kanë faktorin ‘’bp’’, besimin dhe pëlqyeshmërinë. Jepuni të tjerëve arsye për të ju besuar dhe për të ju pëlqyer për sinqeritetin dhe ndershmërinë tuaj.

  1. Bëni shumë premtime

Nëse  thoni se do të bëni diçka ose do të jeni diku, bëjeni. Mos zhvilloni një reputacion të dikujt i cili nuk mund të përmbushë detyrimet e tij. Bëhuni realistë kur vendosni dhe artikuloni qëllimet, pastaj ndiqni ato dhe bëhuni të besueshëm. Përshtatni ato nëse është e nevojshme, duke i lejuar të tjerët të dinë ndryshimet në orarin e pritur.

  1. Paraqitni gjuhë të ashpër të trupit.

Veprimet si rrotullimi i syve, shikimi i vazhdueshëm në telefon ose kërrusja në ulësen tuaj nuk ju ndihmon që të fitoni shokë dhe të influenconi njerëzit. Gjuha e trupit mund të flasë më shumë se fjalët, dhe sjelljet e mira kurrë nuk dalin nga moda, kështu që jini të vëmendshëm se si paraqiteni para tjerëve.

  1. Jeni njeri i tërhequr.

Ju ndoshta bëni punën më të mirë vetëm dhe krenoheni nga pavarësia juaj, por mos u armiqësoni me të tjerët. Largohuni nga tavolina juaj. Caktoni kohë për drekë dhe dalje me shokët, klientët dhe kolegët. Lidhjet e mira do të ndërtojnë të ardhurat tuaja.

Mos lejoni që shprehitë e këqija të prishin reputacionin tuaj profesional. Merrni hapat e nevojshëm që të bëni më të mirën dhe do të arrini rezultate pozitive.

/entrepreneur.com.al