5 Mënyra për t’u çlodhur gjatë pushimeve

Kaloni kohë me familjen, por bëni edhe pushim.

Gjatë pushimeve, me miqtë dhe familjen është e lehtë të harrosh që duhet pushuar. Festat mund të jenë një kërcënim i trefishtë ndaj sipërmarrësve – pasi mendja juaj nuk është në gjendje për shkëputje nga puna ose ju mund të humbisni motivimin për të shkuar përsëri në punë. Nga ana tjetër, pushimi i qëllimshëm dhe i vetëdijshëm gjatë sezonit të festave mund të jetë koha më efektive që ju keni.

Më poshtë janë pesë mënyra për t’u çlodhur dhe festuar:

1. Mendoni për ditët në vazhdim
Kjo është veçanërisht e rëndësishme për personat e mbyllur dhe të tërhequr, të quajtur ndyrshe introverts. Nëse ju nuk përgatiteni mentalisht çdo mëngjes për socializim dhe stimulim, ju do të keni një sezon “bosh” festash. Se si ju e filloni ditën tuaj do të vendosë trajektore për pjesën tjetër të ditës. Adaptoni një ritual në mëngjes për t’a patur mendjen tuaj sa më të frreskët dhe për t’u përgatitur mentalisht për ditën në vazhdimësi.

2. Merrni frymë thellë
Takimi me familjen dhe miqtë që ju nuk i keni parë për një kohë të gjatë mund të jetë një recetë e vlefshme. Merrni vendimet për të qenë i përgjegjshëm dhe jo reaktiv. Njerëzit zemërohen dhe ndihen të fyer kur komentet apo mendimet analizohen së tepërmi. Një teknikë e thjeshtë është që të merrni frymë thellë dhe të largoni çdo gjë negative.

3. Jini mirënjohës
Përdorini festat si një kohë për të forcuar marrëdhëniet. Dhënia e një përqafimi dikujt duke u thënë atyre se pse ju jeni mirënjohës për to e bën trurin tuaj të çlirojë hormonin e “dashurisë”, oxytocin. Është gjithashtu një kohë e mirë për t’u rilidhur me miqtë e vjetër. Merrni pak kohë për të dërguar disa emaile mirënjohëse.

4. Shëtisni në natyrë
Nëse moti ju lejon, shëtitja jashtë në natyrë ka shumë përfitime shëndetësore, duke përfshirë uljen e nivelit të stresit dhe presionin e gjakut. Ajo mundet gjithashtu edhe t’ju ndihmojë të bëheni më krijues. Pasi keni konsumuar drekën apo darkën, merrni pak ajër të pastër dhe shkoni për një shëtitje, në vend që të rrini kot në shtrat.

5. Reflektoni
Një tjetër kimikat i trurit, serotonin, çlirohet sa herë që ju reflektoni mbi ngjarjet domethënëse dhe gjërat e arriturat nga e kaluara. Merrni kohë në fund të ditës për të menduar për njerëzit dhe arritjet personale për të cilat ju jeni të mirënjohës. Gjithmonë mendoni “pse” pas punës tuaj – për njerëzit që ju frymëzojnë dhe motivojnë për të arritur qëllimet tuaja.

Burimi:businessmag.al