4 Mënyra për të Dalluar Klientët tuaj më të Vlefshëm nga ata të Cilët Humbasin Kohën tuaj

Është e rëndësishme të mbahet në mend se asnjë klient nuk është i njëjtë. Disa iu japin përfitime të mëdha, ndërsa disa të tjerë asgjë tjetër përpos kokëdhimbjeve. Gjatë muajit të kaluar, kompania ime Due ka ndarë klientët më të vlefshëm nga ata jo aq të vlefshëm në grupe të ndryshme. Kjo na jep mundësinë të fokusojmë kohë dhe përpjekje shtesë ndaj klientëve të cilët na ndihmojnë të rritemi.

Kompanitë si Lowes dhe Home Depot më herët kanë folur për ndikimin e shërbimit të konsumatorëve. Kompanitë panë një rritje të madhe të shitjeve të tyre si rezultat i përmirësimit të shërbimit të konsumatorëve. Studime tjera gjithashtu kanë treguar rëndësinë e këtij shërbimi.

Është i njohur fakti se konsumatorët do të ishin më të interesuar të blenin nga një kompani e cila ofron shërbim të shkëlqyer të konsumatorëve, krahasuar me një kompani e cila ofron përvojë të dobët. Disa konsumatorë madje janë në gjendje të paguajnë më shumë për shërbim të mirë të konsumatorëve, duke mos lënë arsye që bizneset të mos investojnë në të.

Edhe pse kompanitë e kuptojnë rëndësinë e shërbimit të konsumatorit, ata nuk janë gjithmonë në gjendje të ofrojnë mbështetjen ose shërbimin e nevojshëm ndaj klientëve. Kur jeni në internet, e gjitha që ka rëndësi është dërgimi i vlerave te konsumatorët tuaj. Mirëpo, kompanitë shpesh dështojnë të bëjnë këtë për shkak të mungesës së burimeve të disponueshme dhe nganjëherë për shkak të planifikimit të dobët. Pas të gjithash, sa agjentë të shërbimit të konsumatorit mund të keni?

Në një skenar të tillë, bëhet e rëndësishme të vlerësoni konsumatorët tuaj dhe t’i dalloni ata në bazë të rëndësisë së tyre.

Këtu janë disa këshilla se s’i ta bëni këtë.

Fokusohuni në të ardhura në vend të shitjeve.

Mos gjykoni një klient bazuar në sasinë e shitjeve, por në përfitimet të cilat ai iu sjell. Formula e kësaj është të zbrisni çmimin nga shitjet. Në këtë mënyrë ju e dini saktësisht se sa përfitim i sjell ai klient kompanisë tuaj.

Është e rëndësishme të koncentroheni në përfitim dhe jo në sasi të shitjeve, veçanërisht nëse shisni produkte të ndryshme. Për shkak se përfitimi i çdo produkti është i ndryshëm, një klient është më i vlefshëm nëse ai blen një produkt me çmim më të lartë, edhe nëse blen në sasi të vogël.

Aftësia e konsumatorit për të blerë është një tjetër faktor i cili luan rol në këtë fazë. Sapo të dini aftësitë e blerjes të konsumatorit, ju shumë lehtë mund t’i vendosni ata në grupe dhe të tregtoni në bazë të tyre.

Vlera e referimit të klientëve.

Nuk ka marketing më të mirë se fjalët e gojës. Një klient i cili iu sjell juve më shumë klientë është më i vlefshëm se gjithkush tjetër, edhe nëse nuk janë konsumatorët e tu më të mëdhenj.

Inkurajoni klientët që të sjellin më shumë klientë me disa përfitime, si p.sh. 10% zbritje në blerjen e tyre të ardhshme për çdo klient që sjellin. Disa kompani gjithashtu përdorin një sistem ku klientët fitojnë pikë për çdo referim të suksesshëm, duke iu japur mundësi atyre të konvertojnë pikat në para ose produkte pasi të arrijnë pragun minimal.

Shënim: Në kohën e sotme digjitale, klientët të cilët ju lënë vlerësime pozitive ose krijojnë zhurmë në internet gjithashtu konsiderohen si të veçantë. Marketingu është zhvilluar gjatë viteve dhe shumë biznese tani përdorin marketingun në internet për të bërë zhurmë.

‘Mosha’ e klientëve.

Kur flasim për moshën e klientit tuaj, ne duam të themi gjatësia e kohës që ai ka qenë klienti juaj. Klientët të cilët kanë qenë me ju me vite meritojnë vëmendje të veçantë. Kur nuk ua dini vlerën këtyre klientëve, duke injoruar nevojat e tyre, rrezikoni të humbisni një klient afat-gjatë dhe të fitoni reputacion të drejtimit joprofesional.

Ruajtja e klientëve është më e lirë dhe më e rëndësishme se sa përvetësimi i klientëve. Është e rëndësishme t’u tregoni klientëve të vjetër se e vlerësoni biznesin e tyre. Ofrojuni atyre zbritje ose dërgojuni emaile falenderimi vetëm pse janë konsumatorë besnikë.

Ka të bëjë vetëm me të qenit të mirë. Një email falenderimi i cili e bën klientin tuaj të ndihet i veçantë është marketingu  juaj më i mirë. Rreth 54 përqind e të gjitha emaileve të dërguara janë për qëllime marketingu, por kur e përzini atë me një shënim falenderimi, gjasat e juaja të fitoni klientë bëhen më të mëdha.

Mirëmbajtja e tyre e ulët.

Konsumatorët të cilët e dinë se çfarë duan dhe nuk kanë nevojë për shumë shërbim pas shitjeve janë shumë të vlefshëm. Ata ju japin mundësinë të koncentroheni në konsumatorët më nevojtarë.

Ju mund të kuptoni të gjitha këto dhe më shumë për konsumatorët e juaj duke u kushtuar vëmendje atyre. Është e rëndësishme të mbani një listë të të gjithë konsumatorëve me faktorë si madhësia e porosive mesatare, numri i porosive në muaj etj.

Në këtë mënyrë ju do të jeni në gjendje të krahasoni më lehtë klientët tuaj.

Përderisa është e rëndësishme të dalloni ata, kujtohuni që askush nuk duhet të ndihet i injoruar. Nëse konsumatorët tuaj fillojnë të ndihen me ‘’më pak privilegj’’ ju mund të humbisni biznesin tuaj.

John Rampton

Ndërmarrës dhe Lidhës

John Rampton është ndërmarrës, investitor, mësues i marketingut online dhe entuziast i bizneseve fillestare. Ai është themelues i kompanisë online Due. John njihet më së miri si ndërmarrës dhe lidhës. Ai së fundmi u emërua i 3 në Top 50 Influencuesit më të Mëdhenj në Botë nga Revista Entrepreneur dhe ka qenë në Top 10 e Ekspertëve më Influencues në Botë për tri vitet e kaluara. Ai për momentin këshillon disa kompani në zonën San Francisco Bay.

/entrepreneur.com.al