Superfrymëzuese! 11 thënie nga Muhammad Ali

Gjatë karrierës së tij, Muhammad Ali – kampion i peshave të rënda në boks, kampion Olimpik dhe aktivist i të drejtave civile – fitoi reputacion për këndvështrimin e tij pozitiv dhe motivues për jetën. Edhe pse ai kurrë nuk u mor vetë me biznes, një perandori e madhe biznesi u ndërtua bazuar në mendjemprehtësinë e tij atletike dhe nga veprat e tij. Ai ishte inspirim për miliona njerëz rreth botës.

Këtu gjeni 11 thënie vërtet frymëzuese nga “Më i Madhi”

1.“Lundro si një flutur, thumbo si një bletë”

Bëhu i butë në veprimet e tua të përditshme, qëndro i butë për ata rreth teje, ata që ju interesojnë. Por mos kini frikë të tregoni forcën e egër, kur është e nevojshme.

2. “Mos numëroni ditët. Bëni ditët të kenë rëndësi”

Shpesh lejojmë kohën të na shpëtojë, ndërsa luftojmë për të marrë gjërat nën kontroll. Ali na kujton për të marrë frenat në duart tona në atë mënyrë që të marrim më të mirën e çdo momenti, në vend që të presim që momentet të vijnë në duart tona.

3. “E pamundura është e përkohshme. Asgjë nuk është e pamundur.”

Nëse ti e provon sa duhet dhe beson me të gjithë fuqinë tënde, çdo gjë është e mundur.

4. “Nëse mendja ime mund ta konceptojë diçka, nëse zemra ime mund ta besojë atë -atëherë unë mund ta arrij atë.”

Kur ka një vullnet, ka një mënyrë. Suksesi i Ali-ut ishte, pa dyshim, një tregues konkret se ëndrrat tona gjithmonë mund të bëhen të vërteta, për aq kohë sa ne besojmë në veten tonë.

5. “Unë jam më i madhi. E thashë këtë edhe para se ta dija që isha.”

Imagjinoni ku doni të jeni para se të arrini atje, jo pasi të keni arritur.

6. “Një njeri i cili nuk ka imagjinatë, nuk ka krahë.”

Vetëbesimi është mënyra drejt njohjes se do të bëjmë gjëra të mëdha. Problemi është se ne ndonjëherë biem në grackë duke menduar se nuk jemi mjaftueshëm të mirë.

7. “Problemi nuk ishte mali që duhet të ngjisje, por guraleci në këpucën tënde.”

Janë gjithmonë gjërat e vogla që dështojmë t’i vërejmë, gjërat e vogla që na pengojnë. Mbani një sy të hapur në detajet, po aq sa te ‘fotografia’ e madhe. Ali e bëri këtë gjë – dhe mori rezultate të mahnitshme.

8. “Nuk është një mburrje, në qoftë se ju mund të mbështeteni te ajo.”

Premtimet boshe ngelen boshe.

9. “Unë duhet të jem një pullë postare. Kjo është e vetmja mënyrë që mund të lëpihesha ndonjëherë.”

Pavarësisht seriozitetit dhe pretendimeve të larta që pati në profesionin e tij të boksit, Ali mbajti një ndjenjë të jashtëzakonshme të humorit gjatë të gjithë karrierës së tij. Kjo ndjenjë e humorit e ndau Ali-un nga bashkëkohesit e tij, ndërsa e bëri të dashur për publikun.

10. “Ai që nuk është mjaft i guximshëm për të marrë rreziqe, nuk do të arrijë asgjë në jetë.”

Merrni një shënim nga libri i Ali-ut, dhe pranojeni që nuk është e tmerrshme të dështosh. I vetmi dështim është të mos e kesh provuar kurrë.

11. “Unë trondita botën. Unë !”

Dhe bota jonë është një vend më i mirë për të.

/businessmag.al

I keni problem të hënat…çdo të Hënë? Mund të kesh ngecur në një punë që ka afat ose mund të duket sikur nuk po e kap dot aventurën e radhës! Sido që të jetë, mund të jetë e vështirë nisja e javës pa energji kur thjesht gjërat nuk janë në udhën e duhur. Po të gjithë i kanë kaluar këto deri një njëfarë pike. Ja sepse shumë sipërmarrës bëjnë të tyret rutina në mëngjes që t’i drejtojnë drejt suksesit. Por disa prej rutinave mund të marrin shumë kohë. Nëse keni pak minuta për të shpenzuar çdo mëngjes, ose edhe më pak, ja disa *mantra të cilat mund të kenë një ndikim shumë të madh që t’jua bëjnë ditën produktive. 1. Sot jam mirënjohës për… Oprah ka një ditar mirënjohjeje. Për vite, ajo ka shkruar 5 gjërat për të cilat është mirënjohëse, të cilat pretendon se janë gjërat më të rëndësishme që ka bërë ndonjëherë. Oprah e thekson shkrimin fizik të këtyre 5 gjërave, sepse në mënyrë të ndërgjegjshme të detyron të vëzhgosh ato gjëra për të cilat je mirënjohës. “Nëse përqëndrohesh në ato që ke, do të përfundosh duke patur më shumë, edhe nëse është vetëm 2$,” thotë ajo në LifeClass. Dhe gjërat mund të jenë shumë të thjeshta. Një nga shembujt e Oprah? Të hash një pjepër të ftohtë në një stol nën diell. Kjo është një nga ato gjërat që e ka shkruar në ditarin e saj të mirënjohjes në 12 Tetor 1996. 2. Nuk më mungon gjë për t’ia dalë mbanë sot Nëse jeton një jetë po aq të mirë sa ajo e Oprah, atëherë të gjesh gjërat për të cilat je mirënjohës duket e thjeshtë. Por po sikur një ditë më parë të kesh marrë një lajm të tmerrshëm ose të jesh zgjuar keq sot në mëngjes? Nëse negativiteti të mbulon që në momentin që hap sytë, fillo menjëherë të marrësh veten. Kujto se ia ke dalë dhe nuk të mungon asgjë për t’ia dalë. “Të mendosh gjëra si ‘Unë nuk mund ta bëj këtë,’ ose ‘Kjo nuk është e drejtë,’ do të të shkaktojë ndjenjën e disfatës,” thotë Amy Morin, autorja e “13 Things Mentally Strong People Don’t Do.” “Nëse ia ke dalë deri tani në jetë, atjetër që ke disa aftësi, mjete dhe burime të duhura.” Morin rekomandon shprehje shpirtërore të ndryshme se si të mbledhësh veten. Kujtoji vetes se më e mira që mund të bësh është më e mira që mund të bësh. Dhe për t’i parë gjërat nga perspektiva, pyete veten nëse çfarëdolloj gjëje që të shqetëson sot, do të shqetësojë apo jo pas 5 viteve. 3. Sot do arrij… A je surprizuar ndonjëherë se është papritmas ora 5 e pasdites dhe nuk ke mbaruar një punë? Në vend që të reagosh ndaj tonelatave të emaileve ose të hapësh “zjarr” në ditën tënde, ka një mënyrë më të mirë për ta marrë atë në dorë. Ajo fillon që para se të mbërrijnë ato emailet. Gjënë e parë që duhet të bësh në mëngjes është të kesh një përqasje aktive duke bërë një listë të gjërave që duhen bërë që patjetër duhet t’i përmbushësh për ditën. Shkurtësia është çelësi i saj. Dendja e saj me punë do të thotë që e çon veten drejt dështimit. Një listë konçize gjithashtu të detyron të eleminosh ato që nuk janë të rëndësishme. Ajo krijon ndarje midis asaj se çfarë është e rëndësishme dhe asaj që është urgjente. Dhe të jep një drejtim se mbi cilat detyra do të shpenzosh energjitë sot. Nëse nuk ke mundësi ta ngushtosh listën tënde në pak artikuj, atëherë minimizoje, ashtu siç bën investitorja e Shark Tank, Barbara Corcoran. “Kam provuar lista online ‘to-do’ nga më të ndryshmet, por nuk mund të kryej dot punët e një liste e cila nuk është e shkruar ose e shtypur,” ka thënë Corcoran për Fast Company. 4. Kush është objektivi më i madh ambicioz i ditës? Lista jote ‘to-do’ duhet të përmbajë detyrat që të duhen gjatë ditës. Por mos harro kornizën e gjërë. Edhe Steve Jobs, edhe Benjamin Franklin e kanë sfiduar veten çdo mëngjes duke i dhënë përmasën ditës me një pyetje të madhe. Në fjalimin e tij të famshëm të diplomimit në Stanford në 2005-n, Steve Jobs tha se e shikonte veten çdo ditë në pasqyrë dhe e pyeste, “sikur sot të ishte dita e fundit e jetës sime, a do doja të bëja atë që po bëj sot?” Dita rutinë e Benjamin Franklin fillonte në 5 të mëngjesit. Gjatë 3 orëve të përgatitjes për në punë ai i bënte vetes pyetjen: “Çfarë të mire duhet të bëj sot?” 5. Qëllimi im për sot është… Instruktorët e yoga-s shpeshherë kërkojnë që të vendosësh një qëllim në fillim të klasës. Qëllimi është të zgjedhësh një fjalë që do të të ndihmojë të fokusosh vëmendjen. Nëse të “bredh” mendja, supozohet që të shkosh te ajo fjalë. Për shembull, nëse ndihesh i stresuar me mungesën tënde të fleksibilitetit për të bërë një pozë të caktuar, atëherë qëllimi është “durimi.” E njëjta gjë bëhet për vendosjen e një qëllimi në krye të klasës. Mendo rreth planit të sotëm dhe fjalës kyçe për ta mbajtur mend gjatë ditës. *mantra- shprehje e shenjtë me fuqi shpirtërore

Kërkimi i një pune nuk ka qenë kurrë i lehtë…dhe nuk ka përse të jetë. Duke patur shumë konkurrentë, sidomos në mbretërinë e teknologjisë, intervistuesit duhet të bëhen krijuesë me...